Chah kyrriah u Ganga Prasad kam u Lat ka jylla Meghalaya

Jowai: U President ka ri da pynthymme u ya u Lat ka jylla heiwa da thung noh ya u Tathagata Roy wow man kam u lat wa thymme ka jylla Meghalaya.

U Tathagata jooh man u kam u Lat yong ka jylla Tripura katwa ya u Ganga Prasad da thung noh wow man u kam u Lat yong ka jylla Sikkim.

Kiwi won ki lat ki jylla ya kiwa da pynthymme wei da kyrriah kaam man ki kamni hawah:

(i) U Lal Ji Tandon kam u Lat yong ka Bihar.

(ii) U Satyadev Narayan Arya kam u Lat ka Haryana.

(iii) Ka Baby Rani Maurya kam u Lat ka Uttarakhand.

(iv) U Satya Pal Malik, uwa man kam u Lat ka Bihar da kyrriah ya oo wow man kam u Lat ka jylla Jammu & Kashmir.

(v) U Kaptan Singh Solanki, uwa man kam u Lat ka Haryana wow man noh u kam u Lat ka Tripura.