Kam chibynta wow pyndooh pyndam ya ki thuk-thuk wa pyndait da ki Silencer kiwa joor bha i ood kiwa da pynthut ya ki paidbah wa lai wa wan kamjooh kiwa thiah wa dem, neiliang u SP ka West Jaiñtia Hills District da pyntip wa ini toh iwa man leh pyrchah yaka aiñ Motor Vehicle Act.
Hajrong ini da yoh u ksoh ya 9 tylli ki thuk-thuk kiwa da pyndait ya kini ki Silencer kiwa man leh pyrchah yaka aiñ heiwa da looid ki leh.
Da pyntip u leh wa yeini da sdang u leh ha kini ki ar tayaaw da ki Traffic Police ka District wei daw pteiñ leh ha kini ki sngi wow wan.
U SP da kyntu u ya kiwa yah thuk-thuk wow bood ki yaka aiñ wei kitu kiwa pyndait ya kam kini ki Silencer wow looid noh ki yow lait ki nei chah pynchitom.
Discussion about this post