Ynne i miet ka 5 tarik heipor kamwa 9:15, ki damok ki wym tipmit da lai ki wow lute na ka Petrol Pump kawa em ha Nongrim Hills wa na ka Assam Auto Agency kawa em hajan wa ka dukan Pantaloons, Shillong.
Katkam ka yutip wa da yoh na kiwa em ha ka Petrol Pump Assam Auto Agency, da ong wa kitai ki damok da wan ki da ka thuk-thuk Pulsar wei da rah lang ki leh wa ki suloi ha kti, heiwa na katai ka Petrol Pump da yoh ki wow rah hadooh T 2.80 lak, katwa na ka Petrol Pump kawa ha Nongrim Hills da yoh yutip wym em yoh ki wow lute poisa, wei da antaad wa kini toh ki jooh ki bru kamwa da yoo da iwa riñ ka CCTV Camera.
Katkam wa riñ ka CCTV wa da yoh na ka Petrol Pump na Nongrim Hills, da chynna bha wa em ar ngut ki bru kiwa da lai psiah yabor ha ka thaw booh poisa deiwa pynyang leh da ka suloi AK, tangwa ym ye wow pynsakhiat neibhah da thap bait hapoh kawi ka churia Plastic, wei na katai ka Petrol Pump kini ki damok ym em yoh ki wow rah iyi iyi leh.
Puræ leh: Da ka AK-47 pynyang kiwa lute ya ka Petrol Pump wa em ha Ri-Bhoi
