Chah maham pynyap u kyrtong ka TMC na Khliehriat, kem ki pulit ya uwi

U kyrtong ka Trinamool Congress na Khliehriat Constituency, u Sunida Bareh da ujor FIR u cha u SP ka East Jaiñtia Hills hajrong i chah maham pynyap u ha uwi u bru wei hadien wa da ujor u, ki pulit ka Ladrymbai da lai kem noh ki ya uwi u bru uwa tip pyrtuid kam u Aibormi Rymbai uwa na ka chnong Rymbai.

U Sunida da khana u wa i chah maham pynyap yong oo toh deiwa chah Phone wa da ki SMS, wei da pynbaad u wa kini ki bru wa maham toh kiwa kyrchaan ya u kyrtong ka NPP, wei da khana u wa ini toh i sien wa ar wa chah maham u wei ka sien wa ar leh wa da wan e FIR u heiwa ha ka sien wa nyngkong da ye u ya maap noh.

Tangwa da ong u wa ha kani ka kynti won da maham syndon wow pynyap wei da Phone ya oo nadooh 9:00 waje i miet ka 16 tarik uni u bnai hadooh 2:00 waje i step ka sngi wa bood khlem sangeh. Wei manda jubab u da ka SMS ya ki wa daw Phone won u hadien, da juba ki da ka SMS wa lada ym jubab Phone daw pynyap ki oo.

Da ong u leh wa uni u bru wa maham oo katni ym toh u jooh wa e FIR u nyngkong wei da leh ki yeini neidaw ka Election neibhah wa tieñ ki neidaw wa kiwa thap Vote ka NPP em ki ha Rymbai wei oo leh toh uwa na Rymbai wei kiwa thap Vote yong oo leh em ki ha Rymbai.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Da khana u leh wa da paan u ya ki bru wow yada ya oo neibynta ka 27 tarik donhi neibhah kwah u wow lai cha waroh ki Polling Station.

Chooh chooh da ong u wa ini i chah maham u man i iwa da palat neibhah ya kani ka SMS leh da wai nyngkong da ka kurim u, wei katni kut u mih na yung da yaam bait ki. Da khana u leh wa chwa wow lai thap pyrtuid u kam u kyrtong leh da em wa Phone oo lyngba u Whatsapp yow kynrandien noh wow yaleh Election lada dang kwah u wow im.

Da kob u leh wa neidaw wa kiwa kyrchaan ya oo ha Rymbai da em ki 2000 tam kamtæ da kwah ki wow leh dei bor, kamtæ da pynkhyrngiat ya oo wa ki bru dang man hi ki kamni ha kini ki por wa katni.

Neiliang kiwa thoh khubor kiwa da yachem wa u Sunida ha Ladrymbai Police Station, da pyrchang ki leh wow yaklam wa u waheh chnong ka Rymbai uwa da wan cha Police Station, u Rinimon Rymbai, tangwa ym em bien u wow klam deiwa e daw wa jhan u.