Chah phah paan maap ka President ka STIEH

U waheh chnong ka Lumdaitkhla Bhoirymbong, Ri-Bhoi, u ST Rympei da dawa u wow paan maap ka President ka STIEH, ka Purity Phawa hapoh 24 kynta neidaw wa Record ko yeiwa klam Phone u khlem da yoh bor na oo dep te pynpoor ko ki cha waroh iwa man pyrchah yei hok man bru samen yong oo.

I yaklam Phone uni u waheh chnong waka President ka STIEH da poor i ha kini ki sngi wa dep heiwa ka Purity Phawa da beiñ ko ya u Rympei yei e bor u kam u waheh chnong ya ka sorkar wow pynkut ya ka Cherry Blossom Festival ha ka sngi Sunday.

Kam wow pynkynmoo wa ka STIEH man ko kawi na ki seiñ kawa pyrchah yei pynman ya ka Cherry Blossom Festival ha ka sngi Sunday neidaw wa man ko ka sngi wa kyntang ya ki Christan.

Neiliang u waheh chnong da ong u wa ini i pynpoor ya ini yaklam Phone da ka Purity toh iwa da leh deiwa khlem da yoh bor na oo wei da man ko pyrchah yei hok samen yong oo heiwa da yoh ki bru wow sñiawlut yeiwa da yaklam.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Ka President ka STIEH da Phone ko cha u ST Rympei yow kylli na oo lada ka dorbar chnong u pyrchah ko yei pynman ya ka tamasa haka sngi Sunday heiwa da Record ko ya ini wa da yaklam ki wei da phah ko ya ini iwa da Record cha kiwi kiwa da pynpoor won sa cha kiwi.

U waheh chnong da maham u wow lai katkam ka aiñ lada ka Purity Phawa ym paan maap ko.