theme-sticky-logo-alt
theme-logo-alt
Advertisement ad1

Chah phareb uwa 9 snem wa slaitbor u ya ka wa dang 7 snem

Advertisement ad1

Jowai : Ka seiñ CSWO da kynnoh ko wa ka wi ka manbei na Kyndong Tuber, West Jainñta Hills, da e FIR thok ko pyrchah ya uwi u khynnah chynrang wa dang 9 snem i rta wa slaitbor u ya ka khon ko kawa 7 snem i rta.

Da ong wa ini da jia i ha ka 01 Khonchonglad wei ha ka 02 tarik da phah leh Medical Examination ya kani ka khynnah wei da phah wan leh ya u khynnah chynrang cha Jowai Police Station ha ka tai ka jooh hi ka sngi.

Ka CSWO leh da kynnoh ko wa ka Rida Suchiang, WPSI yong ka Jowai Women Police Cell da ong ko wa ym em iyi iyi leh wa chem wa leh bakla ha ka Medical Report tangwa yong wa da tba kti u ka kani ka khynnah kynthai da ya ryngkat ko wa i slaitbor.

Da maham ko leh wow kset ya uni u khynnah lada ym su ki T. 1000 cha ka bei yong ka kynthai wei u kit ya u khon ki cha Shillong.

Neiliang u khynnah chynrang ong u wa ym em leh u iwon iwon ya kani ka kynthai lait noh iwa ngiat u ka heipor wa yieñ ko ha dwar wa kah luti u ka. Kani ka khynnah kynthai da oor ko wei da phet ko cha yung ko dei yaam.

Kiwa ha yung uni u khynnah leh da kynnoh ki wa ki pulit ym bien ki u ap yeiwa ong ki wei da jrong kti ki oo uni u khynnah uwa sdang u yaam hadooh wa su ki T. 1000 yow yoh ki u mih na Police Station tangwa hadien wa paan receipt ki ya kani ka T. 1000 ki pulit ym em e ki.

Ka CSWO leh da ong ko wa lada kamni kiwa kwah u pynhiar tput ya kiwon kiwon ki chynrang ye ki leh ha ki nongrim wa katwa em hi-eh hadooh wym ieh li de ya kiwa dang khynnah.

Kani toh katkam ka khubor wa pyllait da ka Agnes Kharshiing, President CSWO wa ka Evangeline Thabah President, Gen. Secy. CSWO

Advertisement ad1
Share this:
Previous

Ka scheme sorkar wow e sumar mynkna ya kiwa punkhon

Next

E sikai ka BRDC ya kiwa rep u chna sboh, dawai khniang wa i vitamin