U Officer In-charge ka Umkiang Police Patrol Post, East Jaiñtia Hills District deilang kiwi de ki pulit da chah pynbaad ki wa dat wei bom ki ya u Joslymon Lyngdoh uwa man u khon u Dominic Myrchiang uwa chong chnong ka ka Dong RC Hill, Umkiang.
Katkam wa pyntip da ka bei wa u pa u Joslymon, da ong wa hei miet ka 21 tarik uni u bnai May, u Officer In-charge deilang kiwi ki pulit da wan kem wei da dat da bom da pynchitom ki ya u Joslymon heiyatoh wa ka Case wa da Register pyrchah ya oo ha Rongpur Out Post Police Station, Silchar, Assam deiwa chah pharep wa emkti u wow tooh thuk-thuk.
Da pynbaad wa heipor wa u Joslymon em u hapoh ka Umkiang Police Patrol Post, ki pulit da dat ki ya oo hadooh wa da jngem i doh i pran deiwa daisarom oo hadooh wa da biej i khlieh u.
Ka bei u pa u Joslymon da ong ki wa hanla kem ya oo leh ymtoh won wow dat u bom hadooh wa poi Hospital heiwa kattæ da biej i khlieh u.
Hajrong ini da ong ki wa daw lai e FIR ha u SP ka East Jaiñtia Hills yow kyntu wow pynchitom ya kini ki pulit, u pynman ya ka takit kawa khlem leh chiliang, u pynbiang yei sumaar wei yada ya u Joslymon Lyngdoh wei wow pyntikna wa yoh u yei hok manbru.
Neiliang ka yung da pyntip ko leh wa daw lai ujor cha ka Meghalaya Human Rights Commission heiyatoh wa ini.
Discussion about this post