Uwi u mooid ha Bangladesh wa da e pyrtuid “Donald Trump” neidaw wa em sñiooh u da u rong lieh-stem, da lait u nei chah kñia kam chibynta ka Eid al-Adha hadien wa mih ka sorkar wow khang yei tynyap ya oo.
Uni u mooid wa khia 700kg da dai ya oo wow chah tynyap u kam chibynta kani ka lehniam iwa pynman ya ki paidbah wow chlong wow pait ya oo iwa da pynman ya ka sorkar wow rai wow yada ya oo.
Ka Home Ministry ka Bangladesh da ong ko wa katni da phah ya uni u mooid cha National Zoo ha Dhaka heiwa daw sumaar noh ya oo.
U Home Minister, u Salahuddin Ahmed da hukum u wa ymtoh u kñia ya u mooid wei daw su ya ka poisa cha u bru wa da thied ya oo.
Ki heh ka Ministry da ong ki wa da rai syndet wow yada ya oo khnang wow lait u mih i awri nei ka’it ki bru wow wan pait ya uni u mooid wa phylla.
Discussion about this post