“Ynne man ko iwa sñiawsih hawa lai luti neini hadien wa da wai ya ka MCH ha Jowai da u MontriRangbah ha ka 4 tarik uni u bnai, wei manda psiah chapoh ym em iyi iyi leh,” da ong u Andrew Shullai.
Da ong u leh wa ini toh du i chah pynbiej donhi ka chnong Jowai wa ka Constituency leh waroh kawi.
U Andrew da ong u leh wa kiwa thiah ha Civil Hospital, Ialong da yoo wyrai ya ki manbei wa kha khon wa ki khynnah hap pynthiah ya ki ha luti lai (Passage).
Chooh chooh da ong u wa heipor wa wai ya kani ka 100 Bedded Maternal & Child Health Hospital ha Jowai da u Montri Rangbah, da dap dei kmen tangwa sñiawsih wa i chah pynbiej kamni ha ka sorkar ymtoh iwa sñiawsuk.
Da ong u leh wa kani man ko kawa emkaam bha neibhah da slem wa da chna ya ka, ki bru leh dadep thung tangwa man pathan ko kawa thylli.
