Chah pyndam ka jamin ki 7 ngut deilang u waheh chnong heiyatoh wa i yap uwi nei chah dat

Ka yung bichaar District & Sessions Court, Khliehriat da pyndam ko ya ka jamin (Interim Bail) yong ki 7 ngut wa kynthup ya u waheh chnong ka Wahsarang kiwa da chah pynbaad wa emkti wow dat hadooh wa poi chei yap u Milas Khaii (41 snem) uwa da ieh chadien ya 11 ngut ki khon.

Yeini da pyntikna leh da u SP ka East Jaiñtia Hills wa da chah kyntait i yaleh jamin heiwa da phah ka yung bichaar wow kset ki da ka Judicial Custody wei daw neh ki kamni kat wym pu e jamin da ka yung bichaar wa toh u leh yeini.

Kiwa chah kem toh u Bhalang Lamo, u Pius Khaii, u Khmih Bareh, u Jali Lamo, u Sbunlang Lamo, u Sarat Lamo wa u Ngaitlang Lamo.

U SP da pyntip u wa dang thooh sa uwi uwa tip kam u u Precious Stone Lamo uwa dang yut hadooh kattæ.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

Kam wow pynkynmoo wa u Milas Khaii wa u diah u, u Kamelus Khaii da chah dat ki ha ka miet ka 25 tarik ha yung wa sah ki deiwa yahkhmat u Pius Khaii wa u Jali Lamo heiwa da mih i yachoh yadat heiwa kini ki chi payu da chah dat ki da ka knor wa ki dieñ hadooh wa poi thaw sumaar ki.