Hajrong i chaniah ka India wow thied ya ki dawai Active Pharmaceutical Ingredients (APIs), ka sorkar pyrdi da chna ko ya ka Task Force on APIs ya kawa da chongknor (Chairmanship) u Minister of State for Shipping (I/C) and Chemicals & Fertilizers, u Mansukh Mandaviya wow pyrkhat kammon u pyndap yei emkaam ya kini ki dawai hapoh ka ri.
Ha ka yalang wa 5 yong kani ka Task Force wa man ynne ka sngi da phyllu yumut hajrong i pynjem ya i kyndon wow chna næ pynmih ya kini ki dawai API.
Ha kani ka yalang u Mansukh Mandaviya da kylli u hajrong i em kini ki dawai hapoh ka ri heiwa neiliang kiwa mihkhmat ki karkhana (Industry Representatives) da batai ki wa biang hi ki dawai hapoh ka ri khamtam hei wow yakhun ya u khñiang CoronaVirus namo u COVID-19.
Da pyntikna ki leh wa ym em i duna yong ki dawai wot ha kini ki sngi wow wan.
Ha ka yalang da pynsñiaw leh yei eh i khoo wa yachem ki karkhana chna dawai (Pharmaceutical Industry) hei wow yoh ya ka Environment Clearance wei neiliang ka Ministry of Environment and Forest, Climate Change (MoEF&CC) da ong ki wa da yaleh wow pynsmat u e ya ki Environment Clearance.
Da pyntip ki leh wa ka MoEF&CC da chna pynwandur biang ko ye ki kyndon heiwa ym emkaam ya ka Environment Clearance kawa jar jiar lada pynku ki yei pynmih dawai ki karkhana da 50%.
Discussion about this post