theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Chah pyndooh kreh u President ka NGEA uwa yakhih yow su ya ka tulop ki wakreh ka GHADC

Advertisement ad1

Ki wakreh ka GHADC hapoh ka lama ka Non-Gazetted Employee Association (NGEA) da pynsñiaw ki yei khyrngiat hadien wa ka Executive Committee ka GHADC wa yahkhmat da ka NPP ha ka yalang wa pynman ha ka 5 tarik uni u bnai da rai ki wow pyndam kreh chipor (Suspend) ya waroh ki Executive Member ka NGEA wa kynthup ya u Brithen M. Sangma (Secretary), u Flamingbirth B. Marak (Joint-Secretary), u Balseng M. Sangma (Adviser), u Augustbel R. Marak (Adviser), u Henyirth Marak (Member), u Mento A. Sangma (Member) wa u Francis R. Marak (Member) katwa ya u President ka NGEA u Senora Johny Arengh da chim ya ka rai wow pyndooh noh yei kreh u.

Ya ini da leh hajrong ka yurim wa ym em hun yei jubab ka NGEA ya ka Show Cause Notice wa da e cha ki, heiwa ka NGEA da ong ko ini toh i pynhiar tput yei yakhih yong ki wow dawa yei pynlait ya ka tulop yong ki nadooh u 2018 kawa dang sah hadooh katni.

Chooh chooh da ong wa waroh ki wakreh ka GHADC da dawa ki leh wow pynmiat pynbha ya i rukom krehkaam ka Council wei wow pyndooh noh ya ki kaam baamtooh iwa da jia la 15 snem kattu.

Kamtæ da ong wa ka Executive Committee heithaw wow wanrah yei kylla hapoh ka GHADC, da pyrchang ki wow pyndik wei wow pynsuki ya ki dkhot ka NGEA deiwa e da ka Show Cause Notice, ki Suspension Order wa ka Termination Order cha kiwa yahkhmat ka NGEA.

U Principal Secretary ka GHADC da phah u ya ka Show Cause Notice ha ka 30-07-2021 cha waroh ki Executive Member ka NGEA wow e ki yei jubab hapoh 72 kynta iwa da juba ki dkhot ka NGEA ha ka 01-08-2021.

Share this:
Previous

Da pynkylla ya i pyrtuid ka Rajiv Gandhi Khel Ratna Award cha ka Major Dhyan Chand Khel Ratna

Next

Da thung ya u AL Hek kam uwa e buit u Montri Rangbah