theme-sticky-logo-alt
theme-logo-alt
Advertisement ad1

Da pynkylla ya i pyrtuid ka Rajiv Gandhi Khel Ratna Award cha ka Major Dhyan Chand Khel Ratna

Advertisement ad1
Advertisement ad1

Ynne ka sngi u montri rangbahdooh ka ri, u Narendra Modi da pyntip u wa da yoh ya i kyntu na ki paidbah wow pynkylla noh ya i pyrtuid yong i e burom (Award) wa khlieh dooh ha ka ri ya ki khloor yalehke Sports namo ka Rajiv Gandhi Khel Ratna Award (ya kawa jooh tip hei pyrtuid u montri rangbahdooh warim ka ri) deiwa pynkylla chei pyrtuid u Major Dhyan Chand.

U Modi da pyntip u wa hajrong ini da rai wow pynkylla pyrtuid noh ya ini i burom na ka Rajiv Gandhi Khel Ratna Award cha ka Major Dhyan Chand Khel Ratna Award.

Advertisement ad1

Ya kani ka burom da e chirup wa ka song poisa wa T. 25 lak wei da e ya ka cha ki khloor yalehke Sports kiwa da wanrah naam ya ka ri. 

U Major Dhyan Chand ya uwa da kha ha ka 29 Naisaphra 1905 da man u khloor yalehke Hockey wa da naam ha kani ka jait yalehke ha kylleiñ ka pyrthai heiwa da yahkhmat u wow yoh le tylli ki takma ksiar ha ka Olympics ha u snem 1928 ha Amsterdam, 1932 ha Los Angeles wa 1936 ha Berlin.

Neiliang u Major Dhyan Chand da yalehke u ya ka ri nadooh u snem 1926 hadooh u 1949 heiwa da thap u 570 Goal ha ki 185 tylli ki yakhun (Match) wei yeini waroh ka sorkar India da pynkup burom ko ya oo da ka Padma Bhushan ha u 1956 wei ya ka sngikha yong oo da tip kam ka National Sports Day hapoh ka ri. 

Neiliang u Modi da ong u wa neidaw wa da leh bha ki chynrang wa ki kynthai ha ka Hockey, da pyn ka-it biang ko ya ka ri ha kani ka yalehke wei kani da man ko i dak wa bha ya ki por wa daw wan.

Share this:
Previous

Da pynman Containment Zone ya ka chnong Umjakoit hadien wa em 17 ngut kiwa yoh COVID-19

Next

Chah pyndooh kreh u President ka NGEA uwa yakhih yow su ya ka tulop ki wakreh ka GHADC