Chah pynhiar chuki u Ngaitlang kam u president ka UBCC, deiwa thung ya u khon u EK Mawlong

Shillong: U President ka Ri-Bhoi Block Congress Committee (RBCC), u Dr. Celestine Lyngdoh da ong u wa i daw wa pynkut noh ya ka Umroi Block Congress Committee (UBCC) hapoh i yahkhmat u MLA ka thaiñ, u Ngaitlang Dhar toh hajrong ka yurim wada klam wei yalap u ya ki dkhot ka Congress wow mih noh na ka seiñ wei wow psiah noh cha kawi tawon.

Hawa yaklam wa kiwa pathai khubor ynne ka sngi u Dr Celestine da ong u wa em chiboon ki daw wa leh yeini tangwa i daw wa khroo toh wa u MLA ka Umroi da pynchoi u ya kiwa kyrchaan ka Congress wow mih noh na ka seiñ.

U Dr. Lyngdoh da pyntip u wa ka seiñ da thung noh ko da u George Lyngdoh uwa man leh u khon u EK Mawlong wow man kam u President ka UBCC.

Neiliang u President ka RBCC da kyntait u wa i daw wa pynkut ya ka UBCC hapoh i yahkhmat u Dhar daw ktah ko ya ka seiñ ha kani ka Election wow wan deiwa kam wa ka Congress ymtoh ka seiñ kawa duna kiwa mihkhmat.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kop u leh wa ha iwon i dur wa u Ngaitlang wa u diah u u Sniawbhalang kamjooh wa u Prestone Tynsong u yaleh ki hawa yut ki na ka Congress wei ym ktah ko ya ka seiñ.

“Hanlada kattæ leh len ki wa ym em thmu ki wow psiah cha kawon kawon ka seiñ tangwa ka khubor ong ko wa ye ki u psiah cha ka NPP namo ka BJP”, da ong u Dr. Celestine.