Chah pynkup burom ki ANM, ki Anganwadi wa kiwa saam rachon ha ka lehkmen Independence Day ha Amlarem

Ka lehkmen ya ka lyngkhooh snem wa 77 wa yoh laitlooid ka ri India da pynman leh ha Amlarem Civil-Sub Division ynne ka sngi wei da man ko kawa yoo chongkun heiwa ya ka yalang da pynman ha madan ka Amlarem Sub-Division Sport Association.

Da wan wow pynhær ya ka lama ka ri da u MLA ka thaaiñ u Lakhmen Rymbui uwa da chim leh ya ka Rastriya Salute ya ki 7 tylli ki liang wa kynthup ya ka Meghalaya Police Department wa 6 tylli ki skur kiwa da chimbynta ha kani ka Parade.  

Ha kani ka sngi da pynkup burom ya ki Nurse ANM wa kiwa kreh Anganwadi Worker wa kynthup ya ka Lady Khonglah, ANM Syndai HWC-SC wa em hapoh Pdengshakap PHC waka Dainelawanris Nongrum, ANM Muktapur, HWS-SC wa em hapoh ka Dawki PHC.

Ka Lamjingshai Phoshna, Padu Waksu, Jarain Sector da yoh ko yei naam Anganwadi Best Performance, ka Quissila Khonglah, Sokha Model, Nongtalang Sector da yoh ki yei naam Top Performance katwa yei naam Good Performance da yoh kaAibanshngain Kassar, Pdengshakap North, Pdengshakap Sector.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ki dukan dai rachon namo ki FPS Dealer da jied ya le tylli namo ki Top Three kiwa ye u lehbha dooh ya ka Online Transaction, Ration Card Seeding wa Beneficiaries Seeding wei da pynkup burom ya ki leh wei kini toh u Diwelson Mukhim, Nongtalang Amsohmehelang, u Justifield Pohkynru, Trangblang wa u Benediction Buam, Muktapur C.

Kiwa lehbha dooh ya ka Ration Card Seeding da lai ko cha u Shylla Pohshna, Pdengkarong, ka Aibanri Khongsdir, Dawki wa u Resting Tariang, Jong-U-Shen

Kiwa lehbha dooh ya ka Beneficiary Seeding toh u Bareh Pohrmen, Shnongthymmai (Nongtalang), u Firstly Joy Dhar, Lamin waka Anna Mukhim, Padu B.

Ha kani ka sngi da saam leh ya ki Certificates of Appreciation cha waroh kiwa chimpbynta ha ka March Past kamjooh cha kiwa wan wow pynwyrngia wei pynchongchit ya kani ka sngi.

Ha Hima Shangpung-Laskein C&RD Block won da lehkmen ya ka Independence Day ha mandan Hula, Moosyiem, Shangpung heiwa ka MLA ka Sutnga-Saipung, ka Santa Mary Shylla da pynhær ko yaka lama ka ri.

Da em leh ki rwai sur maya ri wa ki chaad tynre da ki khynnah skur kiwa da chimbynta leh ha ka March Past.