theme-sticky-logo-alt
theme-logo-alt
Advertisement ad1
Advertisement ad1

Chah pynkup burom ki le tylli ki Dorbar Chnong ka Jowai kiwa da kynjoh 100% kiwa yoh tika

Advertisement ad1
Advertisement ad1

Ka Urban Primary Health Center (UPHC) Loomkyrwiang, Jowai kawa tip leh kam ka Health & Wellness Centre (HWC), ynne ka sngi kam ka dak wa kynjoh 100 klur iwa da dep e tika ha ka ri, da pynkup burom ko ya ki le tylli ki Dorbar Chnong wa ki 20 ngut ki ASHA na ki 15 Dorbar Chnong ha ka yalang wa pynman ha kani ka thaw sumaar. 

Neiliang ka Dr. Rudeimaia Passah kawa man ka Medical Officer kani ka Urban PHC da ong ko wa dap dei sñiawsarong wa kani ka Urban PHC Loomkyrwiang (HWC) da chah jied ko ha ka jylla kam kawi na ki UPHC hapoh ka West Jaiñtia District kawa da ku bha hei wow e tika wa i rukom lai bait lai ryntih i rukom kreh yong ka. 

Da kyntu ko leh ya ki paidbah wa chong chnong wow man ki kiwa syndong neibhah wa katkam wa da khana ki bru wa chemphang hei sumaar sukhær wa daw wan sa ka la-ær wa le kani ka khlam COVID-19 kawa ye u ktah nyngkong ya ki khynnah kiwa hapoh 18 snem i rta neibhah wa hadooh katni ki khynnah ympu yoh ki yei yada. 

Kani ka Urban PHC e chakri ko ya ki 15 tylli ki Dorbar Chnong heiwa kiwa da wan chim tika da em ki 87% kawa poi hei nyngkong ha West Jaiñtia Hills, katwa kiwa dadep chim ya yei sien wa ar namo ka 2nd Dose da em ki palat 50% hadooh katni.

Ha kani ka sngi ki Dorbar Chnong kiwa da poi chaphrang wow pyndep yei chim tika, da poi nyngkong ka Dorbar Shnong Tympang Club Iawmusiang Jowai kawa da poi 99%, wa ar ka Panaliar kawa da poi 98.7% bood won ka Chilliangraij kawa da kynjoh 98%. 

Da saam leh ya ka khusnaam napyrdi kiwa wan chim tika ha kani ka Urban PHC heiwa da jied ya kawa em pyrtuid hei chi spah na kiwa wan chim tika wei katæ toh ka L. Ryngkhlem kawa na Dulong, Jowai wei da saam leh ya ka Certificate cha ki 20 ngut ki ASHA hapoh yong kani ka Center. 

Ya ka yalang ha kani ka sngi da pynlai da ka Staff Nurse kani ka thaw sumaar, ka Mandakini Tariang, da yoh leh i klam na ka ANM ka K. Syngkon, na ka ASHA ka Wansadaka Pariat wa na u President Ka Synjuk ki Waheh Chnong Jowai u Allan Niangti, katwa ya ki kyntien khublei da e da ka ANM ka Wanplidaka Myrchiang.

Share this:
Previous

Khlaad noh ka kong Ailinda Mary Kharshiing

Next

Pyrchah ka China yei wan u Vice President ka India cha Arunachal Pradesh