U Montri Rangbah ka jylla, u Conrad K Sangma ynne ka sngi haka yalang wa da pynman neibynta wow lehkmen yaka Meghalaya Grassroots Music Project, Season 2 kawa da pynman ha Marriot Shillong, da pynkup burom leh ya kiwa tem wa put wa kiwa rwai wa siaw kiwa da leh yei kaam yong ki da palat 15 snem deiwa sakhi lang u John Abraham.
Hawa e yei klam, u Conrad da kynmoo tympang u leh yei por wa dang khynroo u wa oo leh toh uwa ka-it bha u tem u put wei i chem chitom wa i yaleh ymtoh de iwa ke iwa da sahkynmoo hadooh katni leh.
“Kut i por wa pyrkhat wow wanrah ya kiwon kiwon ki Policy da kynmoo bait O ya kitu ki por wa dang khynroo wei da kwah bait wow e rynsan ya ki khynroo, u kyrchaan ya ki wei wow yahluti ki wym jooh em yoh i ha kitu ki por,” da ong u, deiwa pynrap wa kani ka MGMP man ko kawi na kiwa da ye u pynkrehkaam wa da sñiawhun dooh u neibhah da yarap ko ya kitu kiwa im hei tem i put wei da pynkylla dur ko leh ya ki khynroo khyllood yong i.
Da ong u leh wa i long i man katni da phær bha i na ki por wa nachwa neidaw wa da em boon ki stat Technology wa sikai kammon u tem u put. “Nga kwah O wow ye kiwa tem yong i u pynemkaam ya kani ka Technology yow poi ki cha ki kyrdan wa heh.”
Da kdaw u leh wa ki khynroo khyllood yong i toh kiwa em i sap hei tem i put tangwa emkaam ki yei yah luti yow ye ki wow im-ja na ini i kaam yow tip ki kammon u leh heitæ i rukom wa ya ryngkat ha ka pyrthai waroh kawi.
Da khana u leh wa da em i pyrkhat wow kyrchaan deiwa thied ya ki tiar tem tiar put deiwa thung da ka Selection Committee ka wow pait ya kitu kiwa em hok sakhiat u yoh yarap.
Ha kani ka sngi, neiliang u Conrad da kular u leh wow thied ya kawi ka Ibanez Guitar cha uwi na kiwa tem wa em i duna hei doh i pran hadien wa uni da khana u wa kwah u ya kam kani ka jait Guitar.
U Conrad da kular u leh wow pteiñ ya kani ka MGMP yow ye u phah yaka Wyrta cha kiwi wow yait ki na ki kaam wa sih kam i drugs wa kiwi de.
Neiliang u John Abraham hawa e yei klam da ong u wa ka sorkar da yaleh ko wow e rynsan nadooh ka kiwa yalehke Sports wa ya kiwa tem wa put heiwa da pynchlur leh ya ki wym toh u ieh ki yeiwa thrang ki wei man ki leh kiwa embhah neibhah heipor yong oo ym jooh em yoh kam ini i kyrchaan.
Kiwa da chah pynkup burom ha kani ka sngi kynthup ki ya u Tengnang Sangma, ka Gracyl Ropmay, u Starly Shullai, u Felix Langsteih, ka Cinda Sangma, ka Amabel Susgni wa u Desmond Rimaki Sunn.
Da pynlait leh yaka kot “The Songs of Our People” wa da toh da u Anurag Banerjee.
Hapoh ka MGMP Season 2 nadooh was dang ka ha ka 04-10-23 da dep pynman ya ka la 730 sein ha kiwa boon ki thaw heiwa kiwa tem wa put da em ki palat 1000 ngut.
Kiwa da yoh myntoi na kani da yoh ki nadooh Rs. 10,000 hadooh 12,000 chisien tem ha kani ka Season 2.
Discussion about this post