Chah pynkup burom u Conrad ha ki ar tylli ki thaw ha ri-loom Garo

Jowai: Ynne ka sngi ki paidbah da pynkup burom ki ya u montri rangbah ka jylla, u Conrad K. Sangma ha ka yalang wa pynman ha Tura, West Garo Hills wa ha North Garo Hills.

Ha Tura, da pynkup burom ya oo ha ka yalang neibynta ka “Natural Resource Management and Climate Change – Opportunities and Challenges for Entrepreneurs in Garo Hills”.

Kani man ko ka sien wa nyngkong wa da pynkupburom ya oo nadooh wa chimkti u ya ka kaam kam u montri rangbah ka jylla ha ka 6 tarik uni u bnai.

U MLA ka Resubelpara uwa man leh u Deputy Speaker ka yung dorbar u Timoty D. Shira, u MLA ka Bajengdoba u Pongseng Marak wa u MLA ka Kharkuta u Rupert Momin da emlang ki ha ka yalang pynkup burom wa pynman ha Resubelpara.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad hei klam da e khublei u ya ki paidbah ka North wa West Garo Hills kamjooh ki paidbah ka jylla wa da pdiang ya oo kam u montri rangbah.

Da e khublei u leh ya u (T) Purno Agitok Sangma uwa da yahluti ya oo ha ka kaam saiñ hima.

“U Purno Sangma da hikai u nga wow chakri ya ki paidbah nadooh ki Peon hadooh u Chief Secretary, kiwa yah kari, ki pulit wa kiwi kiwi. Ym mylliñ O ya oo ya ki luti wa ki dak kjat yong oo wei nga u kreh O neibynta ki paidbah ka jylla waroh kawi” da ong u Conrad.

Da e khublei u leh ya u montri rangbah warim ka jylla u Dr. Mukul Sangma wa ki montri yong O kiwa da e chakri cha ki paidbah ka jylla.

Chooh chooh da ong u wa ka Meghalaya emkaam u kynjoh kam kiwi.

Da ong u wa ka jylla emkaam ko wow yakhun ha kiwa boon ki bynta neibhah wa dang chaniah ko ha ka sorkar pyrdi khamtam ha ka liang ka poisa poilaiñ.

Da kular u leh wa ka sorkar u pyntikna ko wow wanrah yei roi i paar iwa man salonsar ha waroh ka jylla nadooh ka puræ puthi, ki sarok, i chait i khiah wa kiwi kiwi.