U MP ka Arunachal Pradesh, u Tapir Gao da pyntip u wa ki chipai ka China ki PLA da rahbor ki ya u Miram Taron (17 snem) uwa na ka chnong Zido ha ka 18 tarik uni u bnai.
Da khana u wa ya u Miram da rahbor ya oo napoh u pood ka India ha i thaw wa tip kam i Lungta Jor i thaw wa ka China da chna ko leh ya u sarok wa jrong 3-4 Km hapoh i thaw ka India ha u snem 2018 wa em hapoh ka Upper Siang District ka Arunachal Pradesh.
U MP da pyntip u leh wa u uwi u lok u Miram da yoh u wow yut na ki chipai ka PLA wei da pyntip u yeini cha ki bor sorkar.
Kini ki arngut toh kiwa dang lai siat doh hapoh ka thaaiñ Siyungla ka chnong Bishing heipor wa jia ini wa chah rahbor ki napoh i thaw ka India.
I chnong Bishing toh i chnong wa khaddooh ka India chwa wow poi cha u pood waka China wei da em i harood ka wah Siang.
