theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Chah siat le ngut ki snar tyngkheiñ aiñ ha ki pulit ka Goalpara

Advertisement ad1

Le ngut ki bru wa da myllieñ wow tyngkheiñ aiñ kiwa da naam ha Assam da chah siat ki ha ki pulit ha Goalpara District ka Assam hadien wym bien ki u pyndem ha ki pulit ha ka 1 tarik, da pyntip u Additional Superintendent of Police (Addl SP) Mrinal Deka.

Kini ki le ngut toh kiwa da tip kam u Shahjahan, u Nazmul wa u Sajal kiwa da naam kam ki snar wa emkti ha kiwa boon ki jait kaam nadooh wow pynyap wei rahbor ya ki bru.

Katkam wa pyntip u Deka wa hadien wa ki pulit da yoh yutip ki yei thaw wa em kini ki bru, da chem ya ki ha kawi ka kari Pick Up wei hadien wa pynsangeh ki pulit ya kani ka kari da yaleh ki wow yut wei da siat kylla ki leh ya ki pulit heiwa ki pulit leh da pynuiñ kuli ki.

Kini da mynsoo joor ki wei da kit ya ki cha Hospital heiwa da pynbna ki Doctor toh da khlaad chwa ki.

Ini da jia i heipor kamwa 8:30 i miet ka 1 tarik hajan Alok Bazar ka Goalpara District.

Nadooh wa man Montri Rangbah da u Himanta Biswa Sarma ha Assam ynnin u snem, la 35 ngut ki bru da yap ha kti ki pulit nadooh kiwa pyrchang u yut, kiwa dai drugs wa kiwa slaitbor.

Share this:
Previous

I sñiawngooh na kiwa ha yung hasem u (L) Shemlang Myria

Next

Sah sa 12 ngut kiwa dang chah ktah ha u COVID-19 ha Meghalaya