theme-sticky-logo-alt
theme-logo-alt
Advertisement ad1
Advertisement ad1

Chah siat u General Secretary warim ka HNLC ha ki pulit

Advertisement ad1
Advertisement ad1

U General Secretary warim ka HNLC, u Cherishsterfield Thangkhiew uwa da wan wow pyndem hakhmat ki pulit ha u Naichiphaw, 2018 da khlaad noh u ynne i step hadien wa chah siat u ha ki pulit.

Ini da jia i hei step synyaw ynne ka 13 tarik heipor kamwa 3:00 waje hadien wa wan kynreh ki pulit yei yung u Cherishterfield wa em ha Kynton Massar yow takit ki pulit yei tympdung bomb wa da jia ini wa dep hapoh ka jylla ha East Jaiñtia Hills wa East Khasi Hills heiwa da yoh leh wow kem ya kiwa boon ngut kiwa da khana che wa emkti u Cherishterfield ha waroh ar iwa jia.

Advertisement ad1

Katkam ka khubor wa da yoh na ki pulit, hadien wa yoh ya kini ki sabut ynne i step synyaw ka 13 tarik da lai ki pulit wow kem ya u Cherishterfield wa kiwa krehlang wa oo tangwa hadien wa pyrchang ki pulit wow psiah ha yung, da rah u da ka tari yow pynmynsoo ya ki pulit kam chibynta wow yut heiwa ki pulit kam wow yada ya idæ da siat ki ya oo chi kuli. Hadien ini da kit ya oo wut wut cha Civil Hospital, Shillong tangwa da khlaad noh u.

Ki pulit da chem ki leh ya kawi ka pistol, kawi ka tari, ka Laptop wa kattu katni tylli ki Mobile Phone na yung u Cherishsterfield.

Na yung u Cherishsterfield da kem lang leh ya arngut kiwa emkti ha kini ki kaam wa takit ki pulit kiwa da em wa ong toh ki pyn-ar ki khon u Cherishterfield.

Ki pulit da pyntip ki leh wa da booh Case heiyatoh wa ini i jia kawa da pait da u heh pulit yow pyntikna yeiwa jia.

Puræ leh: Wan pyndem u General Secretary ka HNLC

Share this:
Previous

Da tam 12 lak sien wa da dep e tika hapoh Meghalaya

Next

Da pyndam yei yakhih hadien wa mynjur ka Mupyut wow chah biang u noh-jhep