theme-sticky-logo-alt
theme-logo-alt
Advertisement ad1

Da tam 12 lak sien wa da dep e tika hapoh Meghalaya

Advertisement ad1
Advertisement ad1

I e tika yada COVID-19 hapoh ka jylla Meghalaya da tam i 12 lak sien hadien wa ynne ka sngi da e 10,743 sien wa kynthup ya ki HCW 108 ngut, ki FLW 879 ngut, kiwa 18 snem chaneiñ 6628 ngut wa kiwa 45 snem chaneiñ 3128 ngut. Kiwa dang yoh tika ynne ka sngi kynthup ki leh ya ki 6162 ngut kiwa da yoh tika chisien wa 4581 ngut kiwa da yoh tika la arsien.

I e tika hapoh ka jylla da poi i 12,06,329 sien heiwa na kini kiwa da yoh chisien da em ki 9,58,439 ngut katwa kiwa da yoh la arsien da em ki 2,47,890 sien iwa da pynman ya kiwa da yoh tika hapoh ka jylla wow em ki 47.3%.

Advertisement ad1

Ki District kiwa da em palat 50% kiwa da yoh tika chisien da em ki 4 tylli kiwa boon dooh ha South West Garo Hills 65.9% iwa pynbood sa ka East Jaiñtia Hills 61.3%, West Garo Hills 55.1% wa ha East Khasi Hills 50.6%.

Deiwa kheiñ won da kiwa boon dooh kiwa da dep yoh tika chisien, kiwa boon dooh toh ha East Khasi Hills 2,85,470 ngut kamjooh leh man ko kawa boon dooh kiwa da dep yoh tika arsien deiwa em 81,235 ngut. Sa kawi ka District wa tam 1 lak ngut kiwa da dep yoh tika chisien toh ka West Garo Hills kawa em 1,88,120 ngut kiwa da dep yoh.

Deiwa kheiñ da ka Percentage, kiwa duna dooh kiwa yoh tika toh ha South Garo Hills 32.8%, West Khasi Hills 34.3%,  East Garo Hills 38.9% wa ha North Garo Hills 39.6%.

Share this:
Previous

Yoh u DIG ka Meghalaya ya ka Medal for Excellence in Investigation naka Home Ministry

Next

Chah siat u General Secretary warim ka HNLC ha ki pulit