Ar ngut ki bru kiwa rahbor ya ar ngut ki bru da chah siat yap ki ha ki pulit ka West Garo Hills ynne i step synyaw ha Tikrikilla, West Garo Hills District hadien wa siat ki ya ki pulit.
Kini ki damok kiwa na baar jylla hadien wa rahbor ki ya ki ar ngut ki bru da murieh ki ki ha ki khloo wa em ha Dibru Hill Reserve Forest wa dang haap hapoh ka Tikrikilla Police Station.
Hawa lai kdong ki pulit ya kini ki ar ngut, da sdang ki wow siat mar ya yoo ki ya ki pulit heiwa da sait yap ki da ki pulit.
Ki pulit da chem ki ya kawi ka suloi AK-47, kawi ka Pistol 9mm, 32 tylli ki kuli ki wym pu em siat wa 33 tylli ki tadong kuli wa da dep siat wei da kem leh ya kawi ka kari wa em ya u Number AS-11M-7108.
Da yoh leh wow pynlait ya ki ar ngut kiwa chah rahbor.
Neiliang u Montri Rangbah ka jylla, u Conrad Sangma da ong u wa kini ki bru wa na baar jylla da pyrchang ki wow pynthut yei chongsuk hapoh ka jylla.
