Chah slaitbor ka khynnah wa dang 10 snem ha West Jaiñtia Hills, chah kem uwa emkti

Ha ka 8 tarik uni u bnai, kawi ka khynnah wa dang 10 snem i rta da chah slaitbor ko ha uwi u bru heipor sngi hawa em ko samen ha yung katwa ka bei ko dang lai li khih mylla ko.

Katkam ka ujor wa da booh da kiwa ha-yung ha-sem kani ka khynnah ha ka Police Station wa em ha West Jaiñtia Hills, da ong wa u bru wa leh yeini i kaam toh uwa da tip pyrtuid kam u Lukas Phira, wei i yung wa sah kani ka khynnah toh chajan khloo wei rap jngai na kiwi ki yung.

Hadien wa dep slaitbor da maham u leh ya kani ka khynnah wym toh u khana bru ko lym kamtæ daw pynyap u ka wa ka bei ko leh.

Yeiwa jia ya kani ka khynnah da tip manda poi yung ka bei ko heipor 2:30 i sngi, heiwa da chem ko wa yaam wa skiat ka khon deilang i snaam wa phlai cha madan yung.

Ya kani ka khynnah neidaw wa chitom joor ko da pynkit noh ya ka cha Hospital khang yow yoh ko i sumaar.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Katwa ya u Lukas Phira hadien wa dep ujor FIR, dei yakrehlang ka seiñ Meghalaya Indigenous Women’s Council hapoh i yahkhmat ka Bythygrace Dkhar deilang ki dkhot, u waheh chnong ka chnong wa sah kani ka khynnah chirup wa ki pulit, da yoh kem noh ya oo ha ka 9 tarik uni u bnai.

Neiliang ka seiñ da beiñ joor ko ya kam kini ki kaam dusmon uni u bru deiwa kyntu ya ki bor ka aiñ u pynchitom ki oo deiwa kset patok chi rta khnang yow lait ka imlang sahlang nei sier lyngba i em kam kini ki jait bru.