U Governor ka Karnataka, u Thaawar Chand Gehlot, ynne ka sngi da Suspend u ya u Chairman ka Karnataka Public Service Commission (KPSC), u Shivashankarappa S Sahukar hadien wa thung kreh u ya ki ar ngut ki khon kynthai kam ki Industrial Extension Officer wei da thoh cha ka President wow leh ya ka Impeachment namo wow pynhiar chuki noh oo.
Ka Raj Bhavan da ong ko wa da yoh ujor ko pyrchah ya u Sahukar wa pynbaad wa emkti u wow thung kreh ya ar ngut ki khon kam ki Industrial Extension Officer khlem bood ya ki kyndon aiñ wei kiwa em hok da dooh ki ya ini i kreh.
Chooh chooh da pynbaad wa kawi na ki khon u Sahukar da pynbna ko wa ka poisa wa kamai ka yung namo ka Family Annual Income toh du Rs 40,000 wow yoh ya ka Caste Certificate wei wow kam ya ka bhah hapoh ka OBC Reservation wei wow lait na ka Creamy Layer hanla tip wa u pa ko toh u Chairman ka Commission.
Heijooh i por ka hukum ka sorkar klam che ko wa ki khon u Chairman ka Public Service Commission ym ye ki wow kam ya ka bhah kam ki OBC hapoh Karnataka wei hajrong ini ka khon u da murieh ko yeini du wow yoh myntoi nei kreh sorkar.
Discussion about this post