Ka Kur Nongtdu FT (Pyllun) da rah ko ya ka 10th Open To All Knockout Football Tournament Fixed Prize Money 2026 wa da pynman da ka Moosianglamare New & Youth Welfare Organisation Sports Club kawa da pynhaap pyrda ha ka 11 tarik uni u bnai.
Ka yakhun pynkut toh hapyrdi ka Kur Nongtdu FT (Pyllun) waka Thangskai Tigers SC.
Ha kani ka yakhun Final, ka Kur Nongtdu FT Pyllun da jop ko da 2-1 heiwa ya ki kool da thap da u Hansan Pdang ha ka minit wa 50 wa 85 katwa ya ka Thangskai Tigers da thap da u Solomon Sympli haka minit wa 8.
Yei naam Man of the Match da yoh rah da u Hansan Pdang katwa yei naam Best Goal Keeper da yoh rah da u Sbing Chyrmang kiwa waroh ar na ka Kur Nongtdu FT.
Ka Kur Nongtdu FT (Pyllun) kam ka Champion da yoh ko leh u rah ya ka song poisa kawa Rs. 1,40,000 deilang waka Trophy katwa ka Thangskai Tigers SC da yoh ko Rs. 70,000 deilang waka Trophy.
Ya kani ka yakhun Final da wan wow pynhaap pyrda da u V.H. Pala, President ka MPCC kam u kongsan tangwa neidaw wym lait u da chaniah u ha u D. Rymbai wow pyndep wei u synbood kongsan toh u Viceroy Nongtdu deiwa emlang u Waheh Chnong ka Moosianglamare, u Viles Nongtdu wa ki Executive Member.
Discussion about this post