Uwi u Assistant Sub-Inspector (ASI) uwa tip kam u Sukhdev Singh na ka Khanna Police Station da chah Suspend u hadien wa mih i Video ka CCTV Camera wa pynyoo wa murieh drugs u ha i yung u heh ka Shiv Sena (Punjab), u Mahant Kashmir Giri.
Chwa ini ki pulit ka Khanna Police Station da kem ki ya uwa yah kari u Giri, u Gurjant Singh chirup wa 7.5 gram i Heroin.
Hawa takit ya u Gurjant da pynmih u yei pyrtuid u Giri, kamtæ hadien ini u ASI Sukhdev Singh da psiah u ha yung u Giri deiwa riam kam u bru paidbah chwa wow wan kynreh ki pulit ya i yung u Giri heiwa ka CCTV Camera wa da murieh da yoo ya u Sukhdev wa kynset u 30 gram i Heroin hapoh tusok.
Hadien kattu katni por da wan ki pulit wa sap Uniform kiwa da kynreh yei yung heiwa da chem ki ya ini i Heroin wei da kem noh ki ya u Mahant Kashmir Giri.
Kiwa ha-yung u Giri da chim ki ya i Video na ka CCTV wa da murieh wei da pymyoo ki ha ki heh pulit.
Neiliang u SSP, u Dr. Darpan Ahluwalia da Suspend noh u ya u ASI wei da pynlait noh ya u Giri heiwa da thung leh ya ka Special Investigation Team (SIT) wow khlieh da u SP wow pynman yei takit wa yillu hajrong ini waroh.
Discussion about this post