Ha iwi i jia ya tyrrah kari ha u sarokbah ha Mawlai wei da yoh leh u riñ da ka CCTV, da yoo ya kawi ka Bolero Pick-up kawa lai tyrrah bait ya kawi ka Scooty kawa wan mar pyrchah, hadooh wa haap wa oor uwa yah Scooty cha u sarok wa em chawah.
Katkam wa riñ ka CCTV, da yoo wa ini da jia i hei miet ka 1 tarik uni u bnai heipor 11:22 ha ka laad wow psiah cha Mawlai Nongpdeng ha yingkieñ Bah Standling (kamwa jooh tip yei thaw).
I riñ ka CCTV da yoo wa katai ka Pick-up da wan ko na ka thaaiñ yingkieñ Mawlai wei da khun ko cheiliang wa wan ka Scooty kawa wan na thaaiñ Lad Ïewrynghep uwa da lai neiliang yong oo hi, wei heini iwa jia da yoo lakam wa uwa yah Bolero da lai tyrrah chynnam u ya ka Scooty wei ye u man leh neidaw wa muaid.
Da yoo leh ha itai i por wa em ar tylli ki kari ha katai ka sarok kiwa da sangeh yow lai yarap ya uwa yah Scooty katwa ka Bolero da yut ko na kani ka thaw wa jia.
Discussion about this post