Ha ka 8 tarik uni u bnai heipor kamwa 8:30 i miet ki paidbhur ha ka chnong Mawriang, Pynursla Civil Sub-Division da thang ki ya ar tylli ki yung yong ka khon uwi u bru wa tip kam u Bisto Khongstia wa 80 snem nei suba chohnoh donhi.
U Bisto sah u wa ka khon wa ki ksu yong oo wei da chah pynbaad ki wa emkti ki hei yap uwi u bru ha iwi i khloo wa em hajan i yung yong ki.
Neiliang u Bisto wa ka khon da kyrpaad ki ya ki paidbah wow yaklam wa ki pulit, tangwa da chah klam khlemakor ki wei da thang noh ya kini ki ar tylli ki yung.
Neiliang u Superintendent of Police ka East Khasi Hills, u Vivek Syiem da ong u wa kini ki yung toh ki yong ka Poiri Suting wei katkam ki takit ym chem ya iwon iwon i dak wa pynsuba deiwi ya i metyap wa da chem na itæ i khloo.
Katkam wa man katni da kem ya ki 6 ngut ki bru wei da kset ya ki ha Shillong District Jail katwa i takit dang lai i chaphrang.
Neiliang ki pulit da pynkhlan ki yei krehlang wa ki Village Defence Parties (VDPs) wei da maham leh ya ki bru kiwa emkti ha kam kini ki kaam.
Discussion about this post