Hadien wa uwi uwa sikai skur uwa man kam u Head Teacher uwa em 40 snem i rta da chah pynbaad u wa pynyoo u ya iwi i Video dakait cha kawi ka khynnah skur ha Mobile Phone u, neiliang ki paidbah da lai thang ki ya ini i skur wa em ka Karimganj District ka Assam.
Ini i skur toh iwa tip kam ka Sonakhira Ishwar Chandra Vidyasagar School wei da jia ini ha ka 12 tarik uni u bnai wei uni uwa sikai skur toh uwa tip kam u Zahir Uddin uwa da yut u wei dang thooh ya oo.
Kani ka khynnah nyngkong ym nood ko wow khana ya kiwa ha-yung ko tangwa hadien da khana ko ya ka bei ko wa uni uwa sikai da pynbor u ya ka wow pait ko ya iwa yoo taroi bha wei da tba u ka leh deiwa khlem akor.
Ki paidbah deiwa chrai hadien wa tip yeini, da wan ki nadooh kiwi ki chnong wa em chajan wei nyngkong da lai tympra wei da thang won ki ya ini i skur.
Ki paidbah da lai khang ki leh ya u NH-208 ar kynta uwa man u sarokbah wa pynyabi ya ka jylla Assam waka Tripura tangwa ki pulit da ye ki wow pyn-jai-jai ya ki paidbah wei da yoh biang u wai ya u sarok.
Ki paidbah da dawa ki wow phah pynyap ya uni uwa sikai skur tangwa ki pulit da pynngat ki ya ki hapoh ki kyndon aiñ neidaw wa thang ki ya kani ka skur.
Ya uni uwa sikai skur dang thooh ya oo wei ki pulit da pynngat ki oo hapoh ki kyndon ka aiñ POCSO.
Discussion about this post