Myntu u psiah NPP ki 3 ngut ki MLA ka Congress

Ka National People’s Party (NPP) da pynkhreh ko wow pdiang sñiawbha yei wan psiah ki MLA ka Congress myntu i janmiet ka 19 tarik.

Hawa pyrchang wow Phone ya ki 2 ngut ki MLA wa da chah beh seiñ da 6 snem na ka Congress, u Charles Marngar, MLA ka Mawhati wa u Gabriel Wahlang, MLA ka Nongstoin ym em yoh, tangwa hei yaklam wa uwi uwa yahkhmat ka NPP da pyntikna u ya kani ka khubor wa em 3 ngut ki MLA Congress kiwa daw pynyabi noh wa ka NPP wa kynthup ya u MLA ka Umsning u wym em chah pynchitom ha ka Congress, u Dr. Celestine Lyngdoh uwa da mih pyrtuid bha deilang wa kiwi ki 2 ngut kiwa da chah beh seiñ.

Ka Meghalaya Pradesh Congress Committee (MPCC) ha ka 16 tarik da beh seiñ ko hadooh 6 snem ya u Charles wa u Gabriel kiwa man ki MLA wa MDC, katwa ya u Dr. Celestine neiliang ka Congress ym em chim ko ya ka rai wow pynchitom neidaw wa wan mih u cha ka yalang wa khut pynche da ka Party.

Katkam ka khubor wa da yoh, i daw wym pynchimtom ya u Dr. Celestine toh yow khang laad ya ki 2 ngut wow psiah cha ka NPP.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kamwa man kattæ, ka Congress em ko 4 ngut ki MLA wei yow lait nei chah pynchitom deiwa chah pyndam man MLA katkam ka aiñ Anti-Defection Law, kiwa yut seiñ toh u em ki 2/3rd iwa mut da hap bait wow yut 3 ngut yow lait u ngat ha ki kyndon kani ka aiñ.

Ka NPP kawa em 28 ngut ki MLA wei lada psiah sa 3 ngut ki MLA ka Congress daw kynjoh cha ka 31 ngut i em MLA iwa da biang pura wow synchaar samen ha ka sorkar.