Jowai: Katkam wa pyntip ki pulit, haka 16 tarik uni u bnai u M Lokpa Nyagen uwa ARC Happy Valley, Shillong da ujor u wa em wa sai tooh T. 56,900 naka Bank Account u khlem tip u.
Haka 10 tarik, u Kishore Kanti Chakraborty da ujor u wa da yoh SMS u wa em wa sai T. 6,00,030 naka SBI Bank Account yong oo khlem yoh bor na oo.
Haka 17 tarik, ka Florida Dkhar na Lumdiengmet, Umpling, Shillong da ujor ko wa ha kani ka sngi da em wa tooh ka ka muna ko kawa em T. 1,800, ka Office ID, ATM Card, EPIC wa kiwi kiwi. Hadien da chem ko wa em wa sai T. 15,000 lyngba ka ATM Card ko.
Haka 20 tarik uni u bnai, u Midprince N Sangma na Tura Police Reserve, West Garo Hills da ujor u wa haka 22-08-19 da yoo u ya kawi ka Advertisement wow dai ya kawi ka kari (Pre-Owned) Hyundai Verna kawa em ya u number AS-06N-5401, da phone u ya u Sahil Kumar katkam ka Number wa em haka Advertisement, wei da pynbait wow phah poisa deiwa leh daka Online Transaction wei da su T. 1,95,000 lyngba ka Google Pay tangwa hadooh katni ym pu em poi ka kari.
Haka 10 tarik, u Jeeban Gurung na 58 GTC, Happy Valley, Shillong da ujor u wa da su u T. 1,42,000 yow thied ya kawi ka thuk thuk wa em ya u number GJ-27AS-0100, kawa da booh dai da u bru u wym tipmit u ha OLX. Hadien wa dep su u yaka poisa da sñaiwthooh u wa da chah thok u neidaw wa hadooh katni leh ym pu em poi ka thuk thuk u.
Discussion about this post