Jowai: Katkam wa pyntip ki pulit, u Anil Kumar Tibrewalla da ujor u wa haka 13 tarik uni u bnai wa da em wa psiah tooh chapoh ka dukan u wa em ha Jail Road, Shillong wei da tooh ki ya mar baam waka poisa.
Haka 12 tarik, u Mukesh Tiwari da ujor u wa da em wa lute ki i yung wai wa sah u ha Them Marwet Khanapara, Ri-Bhoi wei da chah tooh u T. 3,76,000.
Haka 13 tarik, u Rilangki Warjri da ujor u wa heipor 8:30 i miet da em le ngut ki bru wa ym tipmit u da tooh ki yaka Mobile Phone waka snieh-poisa wa em hapoh yaka EPIC waka Office ID yong oo hajan M/s Ajmera Marbles, GS Road, Shillong.
Haka 17 tarik, u Thanggulien Haokip da ujor wa hei step da em wa psiah tooh chapoh i yung u wa em ha Central Nongrim Hills, Shillong wei da rah tooh ki ya kawi ka Laptop wa kawi ka Mobile Phone.
Haka 15 won da em kiwa tooh ya kawi ka Latop na i yung u Monjoy Medhi wa Upper Lumsohra, Laitumkhrah, Shillong.
U Bait Phyllut da ujor u wa haka 15 tarik da em wa tooh ar tylli ki masi u wa chong dor T. 60,000 na trep masi u wa em ha Nartiang, West Jaintia Hills.
Haka 15 tarik, ka Binika Dkhar da ujor ko wa heipor 3 waje i step da em wa tooh ya 24 tylli ki Battery Bank wa chong dor T. 1,80,000 naka ATC Mobile Tower wa em ha Khliehtyrshi, West Jaiñtia Hills.
Discussion about this post