Chah thombor kiwa chong chnong ka Sutnga hajrong ka hok wow jied ya uwa mihkhmat

Jowai: Uwi na kiwa chong chnong ka Sutnga u F. Dkhar hei yatoh wa ki kaam awri awra wa mih ha ka chnong Sutnga neibynta ka Election hawa yaklam u wa kiwa pathai khubor da ong u wa ka chnong Sutnga toh kawa heh kawa em leh boon kiwa stat tangwa pynsñiaw u yei sñiawsih neibhah kiwa chong chnong em ki hapyrdi i chah thombor hajrong ka hok wow jied ya uwa mihkhmat.

Da pyntip u wa boon kiwa chong chnong kwah ki toh u yoh u kyrchaan laitlooid ya uwon uwon u kyrtong wa em i mon yong ki tangwa em ki i syir mynsien wa da em i chah maham.

“Kam kiwa chong chnong barabor i embynta ha ka krehlang wei wow e yumut ha ka kaam chnong kaam thaw wa kiwi wa yatoh wa ka imlang sahlang, tangwa sñiawsih wa du wa poi ka por Election lada ymye i u kyrchaan ya u kyrtong wa hun kiwa pyllai chnong da chah lehbor noh ki khon ka chnong wei heipor walai dorbar leh ym jooh e laad de wow e yumut lang i” ong u Dkhar.

“I ym kwah i wa ini u jia ma jia i na ka 5 snem cha ka 5 snem wei ki takha ha u snem 2013 ympu ye u sumaar bha wei da mih biang ki huri hura wei lada kamni ka rukom cheiwon ka mynried ka chnong lada ym em ka burom kylliang ha ka chnong ka thaw.”

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Chooh chooh da ong u, ha ri India hi haka synchaar paidbah da e i hok wow jied ya uwon uwon namo kawon kawon da i mon wa laitlooid, kamtæ kwah wow yoh ya kani ka laitlooid wow jied napyrdi ki 5 ngut ki kyrtong wow yakhun naka 5-Sutnga Saipung Constituency wei lada jop uwon uwon em i hun mynsien lada yoh yaka mon laitlooid wow jied.

Hajrong kani ka yurim da kyntu ya ki bor sorkar wow chimkhia ya kani ka kaam salonsar khnang wow yoh ya ka hok laitlooid yow lait naki boon ki kaam awri awra hapoh ka chnong.

Kam wow pynkynmoo hajrong ini i kwah i thrang yong ki wow yoh yaka hok kyrchaan laitlooid, da dep e ya ka chithi cha ka yungkrehkaam u Deputy Commissioner East Jaiñtia Hills, Khliehriat haka 01-12-2017, cha u waheh chnong ka Sutnga haka 14-07-2017 heiwa da soi pyrtuid kiwa boon kiwa chong chnong wow dawa wow yoh laitlooid wow jied wa mihkhmat ha u 2018, deiwa e nongmuna yeiwa jia ha u snem 2013.

Ya ini da phah leh cha u Superintendent of Police, East Jaiñtia Hills Khliehriat wa cha u F.R. Kharkongor, IAS Commissioner & Secretary Government of Meghalaya Election CEO wa kiwi kiwi.