Chah tooh u kpieñ ksiar wa chongdor Rs. 7 lak u heh ka JDU heipor wa pyndeiñ syntu ya u Health Minister ka Bihar

Heipor wa pynman ya ka pynkup burom ya u Health Minister ka Bihar, u Nishant Kumar, da cha tooh u kpieñ ksiar u Rajesh Mandal wa chongdor Rs. 7 lak heipor wa lai u Montri cha Muzaffarpur heiwa da em boon kiwa da pyndeiñ syntu wei pdiang sñiawbha ya u Montri.

U Rajesh toh uwa man kam u heh ka JDU wei ini da jia i ha Sakri Chowk iwa dang haap hapoh ka Tukri Police Station heiwa da em ka yalang wow pdiang sñiawbha ya u Montri wei mar ya poi u ha Muzaffarpur da em boon ki bru wa yalang oo deiwa yaknieh wow pyndeiñ syntu oo tangwa ha ini i por da em kiwa chim kabu wow tooh ya u kpieñ na rdang u Rajesh.

ADVERTISEMENT

U Rajesh da ong u wa ha ini i por wa yaknieh pyndeiñ syntu ya u Montri sorkar, da em boon ki bru wa ya ngiat wei ym sñiaw u wa em kiwa tooh ya u kpieñ wei du hadien wa tba u yow rdang chem u wa em wa da tooh.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Neiliang u Rajesh da booh u leh ya ka ujor wa ki pulit kiwa da sdang wow pait ya ki CCTV yow tip yeiwa jia.