Heipor wa pynman ya ka pynkup burom ya u Health Minister ka Bihar, u Nishant Kumar, da cha tooh u kpieñ ksiar u Rajesh Mandal wa chongdor Rs. 7 lak heipor wa lai u Montri cha Muzaffarpur heiwa da em boon kiwa da pyndeiñ syntu wei pdiang sñiawbha ya u Montri.
U Rajesh toh uwa man kam u heh ka JDU wei ini da jia i ha Sakri Chowk iwa dang haap hapoh ka Tukri Police Station heiwa da em ka yalang wow pdiang sñiawbha ya u Montri wei mar ya poi u ha Muzaffarpur da em boon ki bru wa yalang oo deiwa yaknieh wow pyndeiñ syntu oo tangwa ha ini i por da em kiwa chim kabu wow tooh ya u kpieñ na rdang u Rajesh.
U Rajesh da ong u wa ha ini i por wa yaknieh pyndeiñ syntu ya u Montri sorkar, da em boon ki bru wa ya ngiat wei ym sñiaw u wa em kiwa tooh ya u kpieñ wei du hadien wa tba u yow rdang chem u wa em wa da tooh.
Neiliang u Rajesh da booh u leh ya ka ujor wa ki pulit kiwa da sdang wow pait ya ki CCTV yow tip yeiwa jia.
Discussion about this post