Ka Synjuk Ki Lyngdoh Ka Rilum Jaiñtia da yachem ki wa u Deputy Chief Minister ka jylla Meghalaya, u Sniawbhalang Dhar ha ka 3 tarik yow yaklam wei pynsñiaw hajrong ki mat wow yada wei pynjanai chooh chooh ya ka riti dustur tynre yong ki Raij waphær waphær wa em ha Ri-Loom Jaiñtia.
Ka synjuk da kyntu ko ya ka sorkar lyngba u Sniawbhalang wow tipmit noh katkam ka aiñ ka JHADC ya kiwa khlieh wa kiwa yahkhmat tynre yow skem ka dustur riti kamjooh wow pynbha pynmiat ya ki Raij.
Neliang u Deputy CM da pdiang sñiawbha wei da ap bniah u yeiwa pynsñiaw ka synjuk wei da kular u wow chimkhia hajrong kini ki mat dawa yow pynman kaam ki neibynta i bhalang ki Raij wa ka Ri-loom Jaiñtia hi waroh kawi.
Neiliang ka synjuk da e khublei ko ya u Sniawbhalang wei da kitbok kitrwiang ko leh ya oo.
Discussion about this post