Ki damok wym tipmit da tympat ki ya u mot u Prime Minister wa nyngkong ka India, u Jawaharlal Nehru, deiwa pynemkaam ya ka poohchiloom ha Poilapool Lakhipur Sub-Division ka Cachar District, Assam.
Ka khubor wa tikna da ong ko wa ini da jia i ha i miet ka 23 tarik uni u bnai wei i thaw wa jia toh ha sarok wa man soo laad ka yaaw Poilapool.
Ka CCTV da pynyoo ko wa da pynemkaam ya ka poohchiloom wow tympat ya u mot.
Ya uni u mot da pynyieñ ha ki snem 1990 da u Minister warim ka Assam u Dinesh Prasad Goala.
Neiliang u President ka Silchar District Congress u Pradip Kumar Dey, da ujor ki yeini ha Lakhipur Police Station heiwa da dawa wow pynchitom ya kiwa emkti.
Discussion about this post