I klam yasuk hapyrdi ka Iran wa ka United States dapoi ki ha ka bynta wa kongsan tam ya ki ar ri deiwa poi ki heh yong ki ha Islamabad, Pakistan ynne ka sngi.
Ya ka Iran da mihkhmat da u Parliament Speaker Mohammad Baqer Ghalibaf wa u Foreign Minister Abbas Araghchi, chirup wa ki heh chipai wei i yaklam wan i hapyrdi i sangeh yasiat hapyrdi ki ar liang. Ini i yaklam hapyrdi ki ar ri man iwa nyngkong nadooh ka Iranian Revolution ha u 1979.
Ya ka America da mihkhmat da u Vice President JD Vance, u presidential adviser Jared Kushner, policy director Michael Anton wa u CENTCOM commander, u Brad Cooper.
Ini i yaklam toh hajrong kiwa boon ki bynta wei ki ar liang leh da ksoh ki thij ya ki mat wa kyndon wa booh ki.
Ka Iran kwah ko wow yaklam palat yeiwa yatoh wa ka USA, itæ toh wa i hiar thma ki chipai ka Israel pyrchah ya ki Hezbollah ha Lebanon.
Chooh chooh da kwah ko wow pyndam yei chah khoom chah kdoh ko namo ki sanction khamtam hei khayi pateiñ wei wow pynlait noh ya ka poisa ko wa chah ksoh cha baar ri.
Ka United States ban joor ko ya ka Iran wow sangeh u pynkhooid (enrich) ya u uranium, wow noh ya kiwa dadep pynkhooid wei wow pynduna ya ka Missile Programme.
Ka USA leh kwah ko ya ka Iran wow kyrchaan ya ki ri wa yalok ko (US) ha Middle East yeiwa ka Iran da klam che chwa ko wa ini toh iwa ymye wow man.
Ya i yaklam ki ar liang da pynman da ka Pakistan hapoh i yahkhmat u Prime Minister Shehbaz Sharif, Field Marshall Asim Munir wa u Deputy Prime Minister and Foreign Minister Ishaq Dar.
Discussion about this post