U Chief Minister, Conrad K Sangma ynne da wai u ya ka Nabon Memorial Home yong ka Jingiaseng Kynthei Shillong Ri Lum Presbytery ha Mawiong Rim, Shillong. Kani ka thaw toh kawa man ka yung wow ri ya kiwa da heh rta.
U Conrad hawa e i klam da ong u wa kani ka yung kawa neibynta kiwa da heh rta wei ya kawa da pyrtuid hadien kawi na ki Manbei Christian wa nyngkong na ki Khasi man iwa chongkhia bha. Da ong u wa ini pynyoo i ym du wa pdiang ya ka niam Christian tangwow im leh kam ki Christian man ka sngi pynyoo ko yei kyrchaan ya kiwa emkaam yarap.
Da pyntip u leh wa ka sorkar da sdang khreh ko wow booh ya ki yung neibynta kiwa da heh rta ha kylleiñ ka jylla wei da yooluti u leh kammon u ye wow kreh chirup wa ka ki thaw kam ka Nabon Memorial Home wow myntoi kiwa boon.
Ka Nabon Memorial Home toh kawa da mang kyrpang ya kiwa da yap kurim, kiwa chah iehbeiñ kiwa emkaam ya ki thaw sah, i baam wa kiwi ya kawa da sdang da ka Jingiaseng Kynthei Shillong Ri-Lum Presbytery heiwa ha ini i thaw daw ye wow ri wei wow sumaar ya ki.
U Chief Minister da pynbna u leh ya ka song poisa wow yarap hadooh Rs 25 lak na ka Chief Minister’s Special Development Fund cha ka Nabon Memorial Home.
Discussion about this post