Ynne ka sngi da em iwi i yung iwa em ha chnong Iongkwang iwa em hajan ka chnong Thangraiñ wa da chah tympra i ha ki paidbah ki wym pu ye u ong kiwa neiwon wei ini i thaw toh iwa dang haap hapoh ka Elaka Shiliang Myntang, West Jaiñtia Hills.
Ini da jia i nei kajia pood hapyrdi ki ar chnong heiwa ka yutip wa yoh da ong wa ini i yung da chna deiwa kyntoor chapoh u pood ka chnong Thangrain katwa ki paidbah ka chnong Iongkwang won da kam ki wa ini i yung em i pyn hapoh u pood ka chnong.
Heipor wa wan ki paidbah da em leh ki pulit ha ini i thaw tangwa nei boon ware ki paidbah ymye de ki u leh iwon iwon heiwa da dat da tympra ya ini i yung.
Ini waroh da jia i ynne heipor kamwa 11:30 i sngi.
Hawa yaklam wa u DC ka West Jaiñtia Hills, u Abhinav Kumar Singh da pyntikna u yeiwa jia wei ini waroh toh nei kajia pood hapyrdi ki ar chnong (Thangrain wa Iongkwang).
Da pyntip u leh wa katkam wa man kattæ i kaam da man iwa jai-jai wei da phah ya u District Magistrate wow pynyachem ya ki Waheh Chnong na waroh ar liang wow pynbait ya ini i kaam wei wow wanrah biang yei chongsuk.
Discussion about this post