Chah tyngkheiñ u S. Langi kam u Waheh Chong ka Ummulong da thung nawon ya u L. Laloo kam u Acting Waheh Chnong

Jowai: Ka JHADC ha kani ka 24 tarik da chim ko ya ka rai wow tyngkheiñ noh ya u Shellsing Langi, kam u Waheh Chnong ka Ummulong hadien waka takit da chem wa u Langi da tyngkheiñ u ya ki kyndon Section 28(2) waka Section 31(17) ka aiñ ka Council wa tip kam ka The Jaintia Hills Autonomous District (Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong) Act, 2015.

Kini ki kyndon toh kiwa ong lada u Waheh Chong leh u ya ki kaam wa pyrchah ya ka chnong wei ym bood ya ki hukum u Dolloi kamjooh ka EC ka Council man ki kam kiwi na ki kyndon wa ye u tyngkheiñ Waheh Chnong.

Ya kani ka rai da chim hadien wa da chong yalang ka Executive Committee ka Council ha ka 7 tarik uni u bnai.

Ynne ka sngi won da thung ya u Leo Laloo kam u Acting Waheh Chnong ka Ummulong u wow kreh deiwa e bor ha oo waroh ki bor u Waheh Chnong katkam ka kyndon Section 30 ka aiñ ka Council wei u man u kam u Acting Waheh Chnong ym palat 6 bnai.

Related posts

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ym pynyieñ kyrtong MDC ka KHNAM na JHADC

November 28, 2024

Ya i pyrtuid u Leo toh iwa da jied u Dolloi ka Elaka Jowai katkam wa da pynkit ha oo da ka Council wei da jied u leh deiwa ong wa hadien wa pynman u ya ka thooh bniah da chem wa u Leo Laloo man u bru wa biang dooh wei neiliang u Laloo leh da pdiang u ya ini uwa jooh man kam u Vice Chairman ka Dorbar Chnong ka Ummulong.