Chah tyngkheiñ Waheh Chnong u L. Sten ka Mukroh khlem tip ka JHADC

Jowai: U Waheh Chnong ka Mukroh, West Jaiñtia Hills District, u Lamsuk Sten da chah pyndam yabor u kam u Waheh Chnong du ha ki kattu katni ngut ki bru ka chnong deiwa khut ya ka dorbar ha ka 5 tarik uni u bnai khlem tip u Waheh Chnong heiwa da pynman ya ka Election haka 12 tarik khlem tip u Acting Dolloi wa ka District Council heiwa da thung thymme da u Hamboidei Sumer.

U Lamsuk Sten da ksoh u yeini i kaam da kamwa 7 snem tam wei da tipmit ya oo lyngba ka sanat ka District Council katkam ka Section 26 yong ka Jaiñtia Hills Autonomous  District Council  (Establishment of Elaka and Village and Election, Appointment, Powers, Functions and Jurisdiction of the Dolloi,Sirdar and Waheh Shnong) Act,2015.

“Kani man ko wa yoohbeiñ yei hok manbru we i tyngkheiñ yaka aiñ ka District Council, neibhah lada chem ki wa nga bakla O toh u ujor bait ki ha ka District Council wei lada ka Council chem ko wa ym biang O ye ko u tyngkheiñ ya nga neibhah ka kawa e Sanat ya nga,” da ong u Sten.

Da pyntip u wa da leh yeini du neidaw wa suba wa baamtooh u naka scheme Watershed wa pynkreh da ka Soil & Water Conservation nadooh u snem 2012-2013 heiwa da man Chairman u Bernadus Dkhar, katwa ha u snem 2015-2016 won da chimkti da man Chairman noh da u Sten. Da kam u Sten wa ha ka sngi jied Waheh Chnong ki paidbah kiwa pyrchah yei tyngkheiñ ya oo ym em u lai yachimbynta ki ha kani ka yajied.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por da ujor FIR u pyrchah ya ki 6 ngut ki bru wa emkti hei wow khut ya kani ka dorbar wei da pynman ya kani ka Election kiwa kynthup ya u Hamboidei Sumer, u Spianbor Muskut, u Shilangki Phawa, u Maches Muskut, u Phrian Samalang wa u Karnel Lamin, napyrdi ki 3 ngut toh ki Executive Member ka Chnong.

Hei yatoh wa ini u CEM ka JHADC u Thombor Shiwat da ong u wa lada em kam ini i awri hapoh chnong toh u pyntip ki cha ka Council lyngba u Dolloi deiwa pynyoo bor yei boon paid chwa wow tyngkheiñ ya uwon uwon u Waheh Chnong khnang wa ka Council yow ye ko u pynman yei takit wei wow leh yeiwa emkaam ym toh u chim ki yei bor ha kti ki wei ya uwa da jied da ki, katkam ka aiñ ym tipmit ya oo.