15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pynlait u MDC ka Jowai South yaka kot “Legend of Harib & Sæk” wa thoh da u S. Quotient Sumer

Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

U MDC ka Jowai South u Saron Paswet ynne ka sngi da pynlait paidbah u yaka kot wa pyrtuid “Legend of Harib and Sæk” kawa da thoh da u S. Quotient Sumer, haka yalang wa tbian wada pynman ha yung sah yong ki hi ha Jrongmoosiang Panaliar, Jowai kawa da embynta du chi yung chi sem. 

Ya kani ka parom, da thoh u nadooh ki snem 1970 da u S. Quotient Sumer, wei da dep leh Drama haroh ya ka ha Yungwalieh Panaliar, wei kani toh ka parom ki arngut ki bru wa pyrtuid u Harib wa u Sæk.

Advertisement ad1
Advertisement ad1

Da ong wa ha u snem wa ak nyngkong ya ka hapoh Yungwalieh, da ak leh da kiwa hayung yong uwa thoh hi, wei i stad yong kiwa ak wa ka parom da pynbang rkhai ko ya ki paidbah wa boon wa lang wa wan sakhi.

U Riquoma Rq. Laloo uwa man u khon nyngkong yong uwa thoh kot, hawa e yei klam khana u wa hadien wa ar sien wa da ak Drama biang ya kani ka parom ha Yungwalieh, kamtæ kat nang lai ki por sñiaw ki wa kam ki khon deiwa yatoh yumut waroh 12 ngut chi payu da rai ki wow pynmih ya kani ka parom hei dur yong ka kot. 

Neitæ ha u snem 2007 da pynmih nyngkong ya kani ka kot hei ktien Pnar, tangwa neibynta i angnood u pa yong ki wow pynsñiaw lang cha kiwi won ki ri ka pyrthai hajrong kani ka parom, da rai ki wow pynkylla cha i ktien phareng, wei dei yarap ka Dr. Jenniefer Dkhar kawa sikai yong ka St. Edmund’s College Shillong da ye ki wow pyndep ya kani ka kot. 

U S. Quotient Sumer uwa thoh ya ka kot uwa da jan khynjoh chei rta wa 88 snem, da pynkynmoo u yaki soo kyrdan ki jaitbru haka pyrthai itæ toh u Harib wa u Sæk, u Sangkari wa u Swet. 

Kamwa yaka parom u Harib wa u Sæk da dep thoh, booh won u i kyntu i ya kiwi won u pyndep yei thoh deiwa thooh bniah sa hajrong ka parom u Sangkari wa u Swet.

Neiliang u Saron Paswet, u kongsan yong kani ka sngi da e yaroh u hajrong i ye u booh mot sahnaam ya kani ka parom deiwa ye u thoh u tar, wei kyrmen haroh u wa kani ka kot u pynmyntoi ko ya u paidbah.   

Ha kani ka sngi da yoh leh i ngooh Blai na u My Own Chyrmang, i rwai na u Mesaiñma wa u Wanchema, haka yalang wa pynlai da u Wanbi Laloo, katwa yei kyntien khublei da yoh na u Sajay Laloo.

Share this:
Previous

Chah u DC ka West Garo ya ki kari kamai wa ki kari samen wow mih da ka Odd/Even

Next

Na i krem ha Lumlakhiat chem ya i metyap u manpa na ka chnong Tamu