Chah ujor FIR ki Seiñbhalang wa ki khynnah ka KNGC

Jowai : Da booh ya le tylli ki ujor (complaint) ha Thanat ka Jowai Police Station pyrchah ya ki seinbhalang wa ki khynnah puræ ka Kiang Nangbah Government College, hei yatoh wa i lai paidbah ki na kani ka kolej chadooh ophis u DC klem yohbor na ki bor Distrik.

Kini ki le tylli ki ujor da booh da u ADC, West Jaintia Hills  u ma S.C Laloo, u Const.135 u Lambert Pasi ka Jowai Police Reserve (WJH) wa u  Naik B. Chyne ka Jowai Police Reserve (WJH).

Ha kini ki ujor da kynnoh wa kiwa embynta hei lai paidbah da pynthut ki yei lai yei wan, da pynawri awra ki, da tympiah tympra ki, da pynthut ki ya kiwa kreh ha DC.

Chooh chooh da kynnoh leh wa da pakhot moo ki cha ki pulit wa cha ophis u DC weiwa na ini i pakhot moo da mynsoo joor kini ki ar ngut ki pulit wa e ujor.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Heijooh i por ki seiñbhalang wa da pynmih pyrtuid ha kiwa ujor kynthup ki ya ka Kiang Nangbah Government College Students Union, ka JYF, ka WJNC, ka KSU wa ka HYF. Ka FIR leh da ong ko wa em ki kam 150 ngut ki dkhot ki ni ki seiñ ha katai ka sngi.