November 4, 2018
Advertisement
Jowai: Katkam ka yutip wa yoh na ki pulit da ong wa ha ka 25 tarik u Naichiphaw heipor kamwa 4:30 i janmiet, kawi ka Road Roller (ML-08F-9853) wa yah da u Raju Morali yong ka M/s CCL Road Construction Company, da yooh ko ya u khynnah wa le snem tam wa tip kam u Gombuang Sangma ha Kamagre, SGH weiya uwa yah da kem noh da ki pulit.
Ha ka 26 tarik won heipor 4:30 i janmiet, kawi ka Tipper Truck (wym tip number) da yooh ko ya u Dimon Suna (41 snem) hadooh wa khlaad u ha Mukhla Nongrim (WJH).
Advertisement
Ha ka 27 tarik won heipor 12 waje chiteiñ sngi kawi ka kawi Tata Winger ( wym tip number) da noh ko cha synrang hajan Mission Compound, Nangalbibra (SGH) heiwa da mynsoo le ngut wei ya kini da pynkit noh cha CH Williamnagar.
Ha ka jooh ka sngi heipor 7:30 i miet kawi ka thuk-thuk (ML-14-3529) wa yah da u Tengsrang R Sangma (22 snem) da tyrrah ko ya kawi ka truck (wym tip number) hajan Chengkali Tri-Junction, SWGH heiwa uwa yah wa uwa chong ha ka thuk-thuk da mynsoo ki wei da pynkit ya ki cha CH Ampati.
Ha ka 28 tarik won heipor 12:15 waje i sngi kawi ka thuk-thuk (AS-01DQ-1595) da tyrrah ko yei chram ha Pahamrioh NH-6 (RB) heiwa uwa yah wa uwa chong da mynsoo ki.
Ha ka jooh ka sngi heipor 3:30 nohchariñ sngi kawi ka Jeep (ML-05-3298) da tyrrah ko ya ka SPTS Bus (ML-01-7329) wa yah da u Winester Kharnongbak ha Lad Umsaw, Umiam (RB) heiwa ar ngut kiwa chong hapoh Jeep da mynsoo ki.
