theme-sticky-logo-alt
theme-logo-alt
Advertisement ad1
Advertisement ad1

Sñiawkhia ka CSWO wym yoh u mih Hospital uwi u khynnah wa chah yooh ha ka truck wym ye su ya ka bai sumaar

Advertisement ad1

Shillong: Ka President ka CSWO ka Agnes Kharshiing da pyntip ko wa ha ka 22-07-18 uwi u khynnah wa dang le snem chiteiñ da chah yooh u naka kjat tidiang u ha kawi ka truck wa kit um wa em ya u number ML-09A-3656 ha Nongmensong Lumshyiap.

Neiliang kiwa ha yung uni u khynnah da ujor FIR ki ha u OC ka Rynjah Police Station wow chimkhia ko wow pynchitom ya uwa yah ya kani ka Truck ha ka jooh ka sngi.

Advertisement ad1
Advertisement ad1

Katkam wa takit ki pulit da chem ki wa ha ini i jia iwa da jia heipor 2:45 i sngi wa uwa yah ya kani ka Truck kit um da tip pyrtuid kam u Dron Hynniewta uwa em 40 snem i rta, da wan u na sarok Mawpat cha Nongmynsong wei da yah khalær u ya ka Truck wei da yooh u ya uni u khynnah wa dang le snem tam wei da kit ya oo cha Nazareth Hospital yow yoh sumaar wei hadien ini da kit ya oo cha Super Care Hospital.

Ki pulit da ong ki wa da dep pynman ya ka takit wei emkaam wow leh ka aiñ pyrchah ya iwa bakla uni uwa yah Truck.

Tangwa neiliang ka Agnes ong ko wa hadooh katni uni u khynnah ym yoh u mih na ka thaw sumaar neidaw wa da poi ka bai sumaar ya oo palat T. 3 lak wei ka bei wa u pa u toh kiwa kreh mylla ym ye ki u su.

Chooh chooh da ong ko wa u tre kani ka Truck toh u Rocky Dhar wei kani ka Truck da lai ko naka sarok wa khim bha wei da kam ko leh wa u tre Truck dang yaklam u wa kiwa ha yung uni u khynnah yow pyndam noh ya ka FIR.

Heijooh i por da kylli wa ym toh mo u pyrkhat ki thaw sumaar yong ki samen bru wow pyrkhat ki ya kiwa dooh wa duk wei cheiwon wiar ka sorkar kawa pynlut poisa da ki klur wow pynman ya ki tamasa wa boonjait.

Share this:
Previous

Da wai ya ka yung krehkaam u Waheh Chong ka Rymbai, EJH

Next

Chah yooh u khynnah ha ka Roller, wa kiwi ki khubor tyrrah kari ha jylla