Charge Sheet ka CBI ya u Sanjay Roy heiyatoh wa i slaitbor wei tynyap ya ka Doctor ha Kolkata

Ka Central Bureau of Investigation (CBI) da lai ko chakhmat wow Charge Sheet ya u Sanjay Roy heiyatoh wa i slaitbor wei tynyap ya ka Doctor ha RG Kar Medical College & Hospital wa em ha Kolkata deiwa khlem suba wa emkti kiwi de wa leh ya ini i kaam.

Ya kani ka Charge Sheet da booh ha Special Court ka Kolkata pyrchah ya u Sanjay uwa man leh kam u Civil Volunteer wa ki pulit heiwa yeini i kaam slaitbor wei tynyap bru da leh u ha ka 9 tarik u Naisaphra heipor wa kani ka Doctor dang chong-ngiah ko hapoh ka Seminar Room kani ka Hospital.

Ha kani ka Charge Sheet ym em pyrtuid yong kiwi iwa mut wa da pynbaad bait wa u Sanjay da leh u yeini i kaam dei bor samen yong oo tangwa kattæ leh ka CBI ym pu em pynkut noh ko ya kani ka takit ya em iwi iwa thymme wa mih.

U Sanjay wa em 33 snem i rta nyngkong da phla u wa leh u yeini i kaam hadien wa chah kem u ha ka 10 tarik u Naisaphra tangwa hadien won da ong u wa em kiwi wa leh yeini wei da chah pynbaad cha oo.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Ki sabut wa chem hei takit yeiwa jia toh ya u Bluetooh yong u Sanjay na ini i thaw wa jia, da chah riñ u leh ha ka CCTV wa pynyoo wa psiah u cha kani ka Hospital ha i por wa jia ini ha ka mala wa em kani ka Seminar Room.

Ka Central Forensic Science Laboratory wa em ha Kolkata hawa Test yei nongmuna na ka Doctor wa chah tynyaap, da chem yeiwa em i DNA u Sanjay, na ka Jeans wa i juti wa sap u Sanjay leh da chem yei snaam iwa da pyntikna toh i yong ka Doctor.