theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Charge Sheet ka NIA ya soo ngut ki dkhot ka HNLC

Ka National Investigation Agency (NIA), India ynne ka sngi da Charge Sheet ko ha ka NIA Special Court, Shillong pyrchah ya ki soo ngut heiyatoh wa i tympdung Bomb ha Staff Quarter ka Star Cement Factory Colony Lane, East Jaiñtia Hills wa da leh da ka Hynniewtrep National Liberation Council (HNLC) deiwa pynngat hapoh ka aiñ UA(P) Act, 1967 deiwa ong wa ka HNLC toh kawa embynta ha ini wa jia wa da booh FIR ha ka 13-12-2020 ha ka Lumshnong Police Station wei da Register biang da ka NIA ha ka 15-03-21.

Ha ini i takit da ka NIA da chem wa i tympdung Bomb da leh da ka HNLC neidaw wa u tre ka Star Cement Ltd. ym su ya ka poisa wa da dawa da u Marius Rynjah uwa tip leh kam u Hep Koit uwa man kam SS Finance Cum Socio Cultural Secretary ka HNLC.

Kamtæ ka NIA da Charge Sheet ko ya u Emmanuel Suchen uwa tip kam u Shwa uwa na Lumshnong hapoh ki kyndon Section-120B, 324, 449 ka IPC wa Section 3 wa 4 ka Explosive Substances Act wa Section 10 wa 13 ka UA(P) Act.

Da Charge Sheet leh ya u Bobby Marwein uwa tip leh kam u Regan Marwein, uwa tip leh kam u Wanbor Khardesaw, uwa tip leh kam u Lung uwa tip leh kam u William uwa man kam u Chairman Cum C-in-C uwa sah ha Islapunjee, Moulvibazar Bangladesh wei da pynngat hapoh ka Section-120B ka IPC, Section 6 ka Explosive Substances Ace wa Section 10 wa 13 ka UA(P) Act.

Da Charge Sheet leh ya u Sainkupar Nongtraw uwa tip leh kam u Deng Deng, uwa tip leh kam u Wadborlang Nongrum, uwa tip kam u Wadkupar Nongrum, uwa tip leh kam u Rocky Nongrum uwa sah ha Nunchera, Moulvibazar Bangladesh wei da pynngat ya oo hapoh ka Section-120B ka IPC wa Section 6 ka Explosive Substances Act wa Section 10 wa 13 ka UA(P) Act.

Da Charge Sheet leh ya u Marius Rynjah uwa tip leh kam u Hep Koit uwa na Baranumber (Barapunjee), Moulvibazar Bangladesh wei da pynngat ya oo hapoh ka Section 120B ka IPC, Section 6 ka Explosive Substances Act wa Section 10 wa 13 ka UA(P) Act.

Ka NIA da khut ko ya kini ki soo ngut kam ki Terrorist wei ka takit dang lai ko chakhmat.

Puræ leh: I pdung u bomb ha Star Cement ym toh na u IED: SP EJH

Puræ leh:  Wan pyndem u dkhot HNLC wa emkti hei tympdung Bomb ha East Jaiñtia

Puræ leh: Ym ye u pynsakhiat yei kam ka HNLC hajrong i jia ha Star Cement: Lahkmen Rymbui

Share this:
Previous

SBSA Super Division: Mar ar kool hapyrdi ka Mulait United waka Jalaphet Bri Sumer

Next

Ki paikhana kiwa da sma, ka um leh ym biang ha Pine Mount School wan yakhih sa ki bei ki pa