Ka yung Kasari ynne ka sngi da e hukum ko wow kset ya ka Sonam Raghuvanshi wa ya u Raj Kushwaha 13 sngi ha Judicial Custody.
Ya ini da pyntip da u Advocate T. Chanda uwa yakhun neiliang ka sorkar, heiwa da khana u leh wa neiliang ki pulit ym em de paan por ki leh na ka Kasari wow takit biang ha Police Custody.
Kam wow pynkynmoo wa ha ka 19 tarik ka yung Kasari u District & Session Judge da e hukum ko wow kset ya ki 3 ngut, kitæ u Vishal Chauhan, u Anand Kurmi wa u Akash Rajput 14 sngi ha Judicial Custody yow takit ya ki yei pynyap ya u Raja Raghuvanshi.
Ha katai ka sngi ka yung Kasari da e por ko leh ar sngi wow kset ya ka Sonam wa u Raj da ka Police Custody kawa da kut noh ynne i janmiet.
Da ini mut i waroh 5 ngut kattu da em ki hapoh ka Judicial Custody.
Discussion about this post