Chem biang ki pulit ka Ri-Bhoi ya ki tiar tympdung wa ki lama ka HNLC na iwi i yung

Katkam wa pyntip u SP ka Ri-Bhoi District heiyatoh wa i kem ya ki soo ngut kiwa napoh ka District hi haka 11 tarik wa da leh da ki pulit ka Nongpoh Police Station hapoh ka Case No. 25(3)2024 kiwa da chah pynngat hapoh ka kyndon 120B/121A ka IPC deilang waka Sec 10/13/18 UA(P)Act waka kyndon 5/6 ka aiñ Explosives Substance Act.

Ynne deiwa li yah uwi na kiwa chah kem, ki pulit ka Ri-Bhoi yoh ki wow chem ya kawi ka Pistol, boon tylli ki Gelatin Sticks (Dynamite), ki Detonator wa ki Ignition Fuse deilang wa ki lama ka HNLC wa kiwi de ki sabut.

Ya kini ki tiar ki tar da chem deiwa pynyoo uni uwa chah kem heipor wa kynreh ki pulit ya iwi i yung.

U SP da ong u wa kini ki Sleeper Cell toh kiwa da krehkaam du heipor wa yoh hukum heiwa kini toh kiwa lai pynhær yaka lama ka HNLC ha ki snem wa dadep deiwa phah ki heh HNLC na Bangladesh.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

I rukom krehkaam wa da chem ki pulit toh wa ki heh ka HNLC na Bangladesh da kyrsu ki ya kini ki dkhot heipor wa emkaam donhi yow leh katkam wa hukum wei ha kiwi ki sngi da im kamwa im kiwi hi.

Ya kini da su da ka poisa hadooh wow thied kari thymme ya ki manda lai tympdung Bomb ki.

Da pyntip leh wa ka takit dang lai ko chakhmat.